[Verse 1: Agil]
Dalam ujang ampas kopi, bukang tahang botol sopi
Maar sabatang par biking asap putih
Bongkar sakata pata kata par beta kuti-kuti
Os pung talinga, kaluar dari lidah
Tagabung deng suara, nafas jadi rima
Di studio dalam kamar gabagababeatz
Filosofi mulu yang bakuca beta bale cipta
Irama lama harmoni minor piano cinta
Beta minta os dudu manis dengar bet pung crita
Beta ni rasa apapa satu biking balisah
Hati tainga os pung rupa deng katong pung kisah
Seng gampang memang kalo su tapisah
Maar mo biking bagemana katong musti dewasa
Sama mancari hidop sama dusu cita-cita
Saki rindu paskali, angin beta minta
[Chorus: Rhyno]
Bawa beta pung pasang par dia
Bilang beta pung rasa ini
Rindu…
Masih babunyi di dalam hati
[Verse 2: Agil]
Biking lirik, genre hip hop, making music pake laptop
Dong yang sirik cuma kritik di balakang cuap-cuap
Angka mic lebe bae kong tabaos kuat-kuat
Beta rindu ose seng pake tanda tanya
Beta cinta ose seng pake banya syarat hanya
Katong baku parcaya, jang mulu baminya
Seng pandang miskin kaya, apa adanya
Balajar dar pengamalan, katong kurang zaman
Balom nae pelaminan, katong balom aman
Salah dolo banya rekeng kali-kali binongko
Jang biking ulang macam orang otak jongko
Resiko pi iko rasa dar hati
Kadang sanang kadang marah kas muncul urat nadi
Akang seng basambunyi sonto kiri dada
Dengar akang babunyi, rindu masih ada
[Chorus: Rhyno]
Bawa beta pung pasang par dia
Bilang beta pung rasa ini
Rindu…
Masih babunyi di dalam hati